【期匯決算】金價會繼續調整？

【Now財經台】金價及油價都受關稅戰影響，但表現天與地，油價今個月見過4年低位，相反，金價今個月曾破頂，並有望連升4個月，喺避險需求下，金價由每盎司3500美元回落至3300美元水平，係咪已經調整夠？

獨立外匯商品分析師盧楚仁相信，金價仍未完成調整，現時局勢開始緩和，除咗地緣政治，貿易戰都有所緩和，不論中方還是其他貿易伙伴，都願意同美國談判。

此外，美國總統特朗普(Donald Trump)近排都釋出「善意」，喺美股反彈下，會對金價帶來一定壓力。

Jasper又指，如果今個星期冇特別利好消息出現，相信金價會持續回調，但喺3260美元會有支持位，一旦失守，可能要落到3167美元水平先再搵到支持。