【專家分析】Tesla可做博升穿300美元部署

【Now財經台】美國電動車巨頭Tesla行政總裁馬斯克(Elon Musk)自加入美國總統特朗普(Donald Trump)新成立嘅政府效率部(DOGE)後，由於處事作風惹來極大爭議及反響，禍及Tesla銷售及股價，直至近期股價已收復唔少失地，但喺300美元有較大阻力，Tesla正準備推出新車Model Q，可唔可以帶動股價突破300美元關口？

潤淼資產管理董事盧志威指，依家市場對Tesla有幾個憧憬，首先係馬斯克回歸公司，其次係Tesla開始推出新產品，有機會幫到公司扭轉劣勢，投資者不妨留意例如Model Q定價。此外，CyberTruck亦可能有新消息，包括應用、測試等，佢又相信，Tesla股價走勢會比較反覆及波動性較大，但投資者仍可考慮喺現階段做博反彈部署。