【專家分析】馬斯克今晚宣布離開DOGE救Tesla？

【Now財經台】美國電動車巨擘Tesla將會喺今晚(22日)美股收市後出業績，市傳行政總裁馬斯克(Elon Musk)屆時會交代佢喺政府效率部(DOGE)未來嘅去向，如果馬斯克真係離開DOGE，對Tesla係咪好事？

高富金融集團投資總監梁偉民指，若馬斯克離開DOGE對Tesla股東嚟講係好消息，因為佢在任期間，管理Tesla業務嘅時間好少令市場憂慮，如果可以專注返Tesla業務，肯定對公司有利。事實上，佢任職DOGE期間惹嚟不同國家嘅消費者不滿，更罷買Tesla產品。

業績方面，Wyman估計，由於早前公布嘅銷售數據唔理想，第1季交付量逾30萬架，按季及按年都要跌，所以今次業績嘅重點會落喺補救措施，例如出新車、無人駕駛技術，以及馬斯克回歸Tesla，為股價帶嚟短期刺激作用。