【專家分析】台積電盈收按季跌唔使擔心

【Now財經台】台積電(TSMC)今日(17日)派咗季度成績表，業績後，台積電喺台股嘅表現理想，收入及稅後盈利分別按年大升40%及60%，毛利率亦微升，好過預期，雖然收入及盈利按季跌逾4%，仍台積電股價照升，點解市場對公司咁有信心？

耀才證券研究部總監植耀輝指，市場唔擔心台積電按季表現，同季節性因素有關，因為第1季係半導體行業傳統淡季，參考以住數據，每年第1季按季表現都係比較差，而今季營收合乎預期，市場本來擔心台積電盈利能力會受唔同因素影響，但稅後盈利仍較預期理想，喺傳統淡季嚟睇算係「淡季不淡」。

Stanley又話，市場早已預期美國總統特朗普 (Donald Trump) 上場後會發動關稅戰，所以部分企業加快出貨，有利推動第1季業務。