【專家分析】「B仔股」映恩首掛爆升因為...

【Now財經台】「B仔股」映恩生物(09606)今日(15日)首掛，暗盤昨日(14日)暗盤大升逾80%，今日首掛走勢更強勁，開市報181元，較招股價94.6元，高逾91%，其後一度高見222元，炒高逾倍，其實映恩生物招股反應唔係特別熱烈，超額認購約110倍，一手中籤率都有80%，睇返今日表現，算唔算係走漏眼？

信達國際研究部董事趙晞文認為，映恩生物表現搶鏡同成個板塊有關，睇返之前嘅新股「賺錢王」布魯可(00325)及蜜雪集團(02097)，上市表現都好靚仔，原因係當時市況好，抽新股嘅贏率相對較高，令散戶一窩蜂去炒。

晞文續指，「B仔股」同生物科技(Biotech)股其實都唔係市場嗰杯茶，考慮回報問題下超購114倍，招股反應唔算差。