【專家分析】Nvidia返美國生產冇著數

【Now財經台】美股「科技7雄」(Magnificent 7)之一嘅英偉達(Nvidia)，正聯同多個合作伙伴喺美國本土建設全美國製造嘅人工智能(AI)超級電腦工廠，而集團新AI晶片Blackwell已開始喺鳳凰城嘅新廠房生產，美國總統特朗普(Donald Trump)話Nvidia呢個project同關税政策有關，點睇Nvidia嘅美國生產計劃？

高富金融集團投資總監梁偉民指，美國生產一定唔係最好嘅選項，因為生產成本高，尤其對比台灣，不論人工及其他生產成本都平過美國，另一個問題係配套，過往Nvidia都係用台灣代工，所以美國嘅相關配套未必成熟，甚至會增加生產難度。

但Wyman補充，對投資者而言，首要考慮因素都係關税，最終落實嘅投資及生產規模有幾大，估計都要幾年後先知。