【期匯決算】金價見3100美元後或回調

【Now財經台】黃金作為避險資產，金價今日(28日)下午又破頂，突破每盎司3085美元，不過，據《彭博》數據顯示，交易所買賣基金(ETF)黃金持倉喺昨日(27日)交易時段大跌，金價後市會點行？

獨立商品外匯分析師熊俊傑估計，金價升至3100美元水平會有好大阻力，金價去年處於2600美元時，市場都將目標價擺喺3100美元，但金價依家已迫近3080美元，佢建議投資者持有嘅金價，部分先行獲利。

雖然地緣政治、中東局勢及貿易戰對金價有一定支持，但Ken提醒，金價突破3100美元後，有可能掉頭回落至3000美元水平，甚至更低。