【槓桿致勝】小米牛證可換馬長身CALL

【Now財經台】相隔逾4年，小米集團(01810)再度「抽水」，折讓配股集資逾420億元，配售價53.25元，較昨日(24日)收市價折讓近7%。小米股價今早(25日)低開逾5%後，跌幅一度擴大至6.5%，低見53.25元，險守配股價，依家持有小米牛熊證嘅投資者，有冇收回風險？有咩其他部署值得考慮？

胤源世創家族辦公室(香港)第一副總裁黃偉豪指，小米暫時仍可以頂住配股價，以收回價47元嘅牛證為例，現價距離收回價仲有一段距離，除非失守配股價，或港股回調壓力加大，股價先會進一步下跌，依家即時收回風險唔大。

佢建議，投資者宜觀察呢兩日股價走勢，若跌穿配股價，食糊離場會較好，之再攞部分利潤部署較長身嘅CALL。