【期匯決算】咖啡豆價短期仍向上

【Now財經台】雖然巴西近期再度降雨，有利阿拉比卡咖啡豆種植，但似乎市場仍消化緊上月乾旱對供應嘅影響，咖啡豆價格已連升4日，未來仲有幾大上升動力？

獨立商品外匯分析師熊俊傑指，供需方面仍未平衡，現時越南及巴西咖啡豆供應佔全球逾半，雖然巴西天氣有改善，但市場估計，下季收成仍會減少4%，所以咖啡豆供應短期仍會偏緊。需求方面，全球對咖啡豆需求持續上升，所以喺呢個情況下，咖啡豆價格會繼續上升。