【名家給力場】鮑威爾「跪低」放慢縮表？(上)

【Now財經台】美國聯儲局一如市場預期按兵不動，並宣布放慢縮表步伐，市場依家比較關注美國經濟前景、通脹走勢等，有唔少分析認為，聯儲局主席鮑威爾(Jerome Powell)正面臨職業生涯最複雜嘅挑戰。

臻享顧問董事總經理王良享認為，聯儲局及鮑威爾某程度係作出咗妥協，4月開始每個月減持美國國債上限，由250億美元大減至50億美元，意味釋放200億美元流動性比聯儲局買債，呢個動作係配合美國財長貝森特(Homer Bessent)更看重國債孳息率嘅講法，亦係美股反彈其中一個原因。佢認為，鮑威爾已畀足面美國總統特朗普(Donald Trump)，只要特朗普政府嘅政策唔會大幅推高通脹，聯儲局就會減息。

Tommy認為，由於未見廣泛嘅關稅引發通脹大升，對等關稅(Reciprocal Tariffs)因為未實施，暫時未知道有咩影響，估計要等到5月先知道關稅對美國通脹嘅實質影響。