【名家給力場】美股博反彈3寶:Nvidia、Palantir、台積電

【Now財經台】美國今晚(14日)將會公布3月密歇根大學消費者信心指數初值，市場預期數據將會向下，要留意對已經「見熊」嘅美股有咩影響。此外，雖然納指已跌入調整區，但昨晚(14日)英偉達(Nvidia)及軟件公司Palantir股價冇跟納指100破底，係咪預示納指有機會出現超賣反彈？

冠域商業及經濟研究中心主任關焯照表示，指數已嚴重超賣，係有機會反彈，如果今晚公布嘅數據差，就「撳佢一下」，然後趁勢平倉，今日已經係星期五，如果期權借數據「隊落下」平倉，再部署技術性反彈，首先係比美國總統特朗普(Donald Trump)一個警號，就係市民信心開始轉差，通脹預期仍然係升，佢就好難解釋，跟住就可能會「鬆手」，所以呢個Weekend有可能講返一啲比較溫和嘅説話。

Nvidia方面，關博士就話，納指100近期破底，但Nvidia股價係升，Palantir亦冇跌穿之前個底，反而開始有啲穩定，呢兩隻股王應該對市況有幫助。至於台積電(TSMC)市盈率(PE)已跌到17倍，投資者可以留意返一啲有實力、穩定嘅股票，呢幾隻博反彈都可以考慮。