【專家分析】趙晞文:藥名系最睇好藥明合聯

【Now財經台】瑞銀及摩根士丹利近期齊齊唱好新藥研發外判龍頭藥明系，藥明系股價過去曾因美國生物法案而暴瀉，不過，行業市盈率(PE)似乎已重返消息前水平，成功修復估值，點睇藥明系前景？

信達國際研究部董事趙晞文指，單睇今年盈利預測，依家估值叫做成功修復，不過，同過去5年比較，仍低過平均值。晞文續指，藥名系之前估值咁高，原因係5年前遇上疫情，攞到好多國際藥廠定單，依家嚟到後疫情時代，定單自然回復至正常水平。

佢又話，雖然地緣政治因素略為紓緩，但仲未真正解決，所以要留意美國總統特朗普(Donald Trump)嘅政策，因為隨時對藥明系有重大影響。

晞文認為，藥明系之中較睇好藥明合聯(02268)，因為公司近年專門發展嘅ADC藥物，係國際大廠新趨勢。