【期匯決算】油價暫睇64至65美元

【Now財經台】市場對中美經濟憂慮齊升溫，2月內地居民消費價格指數(CPI)跌0.7%，相隔逾1年再陷入通縮，美國非農就業數據表現亦強差人意，美國總統特朗普(Donald Trump)對經濟衰退問題避而不談，油價本身已有唔少負面因素，下個月又要面臨石油輸出國組織及盟友(OPEC+)增產，雖然美國能源部長Chris Wright指，特朗普準備執行針對伊朗嘅石油制裁，但紐約期油仍要考驗每桶65美元支持，後市有冇條件企穩？

英皇期貨營業部總裁葉佩蘭指，OPEC+有機會喺4月再增產，到時石油供應進一步增加，但美國經濟面臨衰退危機，或會減少石油需求，喺供過於求下，油價勢走弱，暫時可以先睇64美元至65美元呢個支持位，若油價大跌，OPEC+有機會叫停增產。