【專家分析】惹火Elon Musk從政Tesla遭殃

【Now財經台】美國電動車生產商Tesla股價昨晚(11日)大冧，收市暴瀉15%，報222.15美元，直插去年10月以來低位，市值縮水1300億美元。馬斯克(Elon Musk)帶領嘅美國政府效率部(DOGE)嘅工作惹嚟極大爭議，包括裁員計劃，引起唔少美國人不滿，而美國多地嘅Tesla陳列室爆發針對馬斯克嘅示威，集團生產嘅Cybertruck更畀人縱火，Tesla股價弱勢係咪同馬斯克從政有關？

天風國際證券經紀業務部董事李偉傑指，由特朗普(Donald Trump)競選前到當選後，馬斯克嘅表現「突出」，難免惹嚟部分民主黨支持者不滿，依家馬斯克企喺政治前線，態度太進取，喺商業角度嚟講唔係一件好事，或會削弱大部分消費者購買意欲。Jason又認為，Tesla必須有新改變，才可扭轉現時嘅情況。