【專家分析】美經濟今年衰退機會不足50%

【Now財經台】美股昨晚(10日)經歷「黑色星期一」，3大指數急瀉，道指一度急瀉逾1100點，收市仍跌重挫890點，標指，納指更插4%，錄得兩年半最大單日跌幅，晶片及人工智能(AI)相關股大冧，Tesla收市重挫約15%。市場主要擔心特朗普(Donald Trump)政府或出現政策錯誤，令美國經濟陷入衰退嘅風險急升。

高富金融集團投資總監梁偉民認為，其實美國經濟衰退風險唔算太高，估計至年底陷入衰退唔機會唔夠一半，雖然近期美國零售、服務業，甚至消費信心都大跌，又差過預期，但Wyman指，美國就業市場仍然硬淨，上周五(7日)出爐嘅非農新增職位仍有15萬個，即使預期就業市場會逐步轉差，但估計相關影響都要一段時間才明顯浮現。

Wyman續指，依家最大不確定因素係特朗普嘅關稅政策，如果特朗普真係向墨西哥、加拿大及歐洲等徵高關稅，將對經濟構成好大衝擊。此外，亦要關注特朗普係咪會大規模裁減聯邦政府職位，因為可能會影響當地就業市場及失業率。