【專家分析】小心機械人概念股越彊「過熱」

【Now財經台】近期機械人概念熱炒，去年底上市嘅越疆(02432)股價今日(10日)一度大升逾10%，高見38.2元，其實集團去年招股時唔係咁多人留意，不過，依家市場氣氛同當時比較已經唔同晒，依家再睇返招股結果有咩啟示？

博威環球證券金融首席分析師聶振邦指，越彊招股結果反映有街貨有一定集中度，而據中央結算系統顯示，第2至8名參與者已佔招股規模87%，大戶持貨量明顯較高，對股價嚟講係一個利好因素，因為即使市況短期內逆轉，股價仍可維持喺高位。

聶Sir又話，越彊受惠於人工智能(AI)、機械人熱潮，估值獲得上調，依家市銷率(PS)約45倍，反映投資者對公司前景感到樂觀，但值得留意係，45倍唔係市盈率(PE)，後市要留意越疆會唔會有炒到過熱嘅情況。