【名家給力場】銅鑼灣大地主獲提私有小股東無奈？

【Now財經台】銅鑼灣大地主金朝陽集團(00878)今早(10日)復牌，股價一度抽升逾40%，高見7.73元，但仍低過大股東提出嘅8.5元私有化作價，港股私有化浪潮去年開始升溫，係咪反映市場融資困難，公司寧願進行私有化？

《香港股票財技密碼》作者梁杰文指，情況啱啱相反，因為近年融資環境對地產商來講其實係理想，所以金朝陽把握機會，趁股價低殘提出私有化，加上港股一啲中小市值公司估值仍然低殘，公司大股東今次以低價錢買貴資產，令身家「水漲船高」。

Mike又提及，對比起大股東，小股東就更加無奈，私有化作價較停牌前有55%溢價，屬於偏低水平，加上地產市道下行，商廈租值大跌，小股東估唔到公司估值繼續下行，而金朝陽算係咁多地產公司之中，折讓較大嘅一家。