【FINTERVIEW】陳偉聰:恒指今年可上望26000點

【Now財經台】DeepSeek引爆嘅國產人工智能(AI)熱潮及「兩會」效應接力炒起港股，恒生指數上周累升近1300點，企穩24000點樓上，睇返依家嘅市場氣氛，港股今年仲有幾多上升空間？目標睇幾多？

東亞證券高級投資策略師陳偉聰估計，恒指今年可上望26000點，主要有兩大因素支持，首先係AI技術突破超市場預期，其次係發改委設立萬億創投引導基金，利好一啲在港上市及權重高嘅科技股估值重估，繼而推升大市。

佢又話，雖然內地推出財政政策穩定消費，所以唔使睇淡企業盈利前景，但都唔可以忽略一啲環球性風險，例如美國總統特朗普(Donald Trump)搖擺不定嘅行政命令、一啲針對AI嘅制裁，以及市場氣氛轉變。