【期匯決算】人仔先睇7.17至7.2水平

【Now財經台】人行行長潘功勝喺「兩會」嘅經濟主題記者會上指，今年會擇機減息降準，但記者會內容冇太多新亮點，離岸人仔喺記者會前曾落到7.235水平，暫時受制7.24水平，係咪已偷步反映咗一啲憧憬？

亨達集團助理總經理羅明立指，其實以往都係有好多部委出嚟講嘢，但實際行動唔係咁多，所以A股只喺3000點水平上落，反而有好多資金流入港股。

Patrick續指，近期美元走弱，加上美國總統特朗普(Donald Trump)警告中日，唔好再畀人仔及日圓貶值，呢啲因素都有利人仔反彈，不過，如果冇進一步利好消息，人仔升勢就好難Keep，暫時可以睇7.17至7.2水平。