【期匯決算】美匯指數續於低位整固

【Now財經台】美匯指數昨日(3日)一度重上107水平，但今日喺美國新關稅生效後急回，落返106.5水平，新關稅生效後，加拿大及中國隨即公布反制措施，徵收報復性關稅，市場已憂慮美國經濟陷入衰退，加上關稅影響唔明朗，對美元走勢有咩影響？

連連STAR FX總經理陳欣指，之前市場憧憬加關稅會為美元帶嚟支持，但大前提係美國經濟仍然唔錯，近期美國唔少經濟數據都欠佳，市場擔心美國經濟係咪開始放緩，甚至步入衰退，所以美國聯儲局或比預期更早減息，令美元走弱。

Chase續指，美匯指數由107樓上回落至106，唔排除進一步下跌，要留意美國經濟數據及減息預期嘅變化，估計美匯指數暫時會喺低位整固，喺105.5水平有支持，但短期較難升穿108阻力。