【期匯決算】美匯指數107.5水平有支持

【Now財經台】美國總統特朗普(Donald Trump)上任首日即宣布考慮喺2025年2月1日開始，向加拿大及墨西哥加關稅25%，美元即時走強，美匯指數一度升0.7%，但好快又回落，依家美匯指數喺109樓下，點解市場反應咁冷靜？

連連STAR FX總經理陳欣指，特朗普上任首日未提及向中國、歐洲加關稅，可能想作嚟做談判籌碼，亦反映特朗普喺關稅問題上嘅態度冇預期咁強硬，如果特朗普加大向中國徵稅嘅力度，意味未來好多中國產品會被踢出美國市場，美國經濟承唔承受到係後話。

Chase又話，美匯指數自之前高位110水平顯著回落，由於特朗普加關稅行動令市場失望，美元依家處於整固階段，估計美匯指數喺107.5水平有一定支持。