我的股票

    名稱 現價 升跌

    資料報價延遲十五分鐘

    【FINTERVIEW】內地經濟現時最需要...

    【分析】 2025/01/17 11:40

    【Now財經台】內地今早(17日)出咗幾個重磅經濟數據,其中,2024年國內生產總值(GDP)按年增長5%,去年12月社會消費品零售總額就按年增長3.7%,好過預期。2025年3月召開嘅「兩會」,預期將會公布發行超長期特別國債用喺「兩新」嘅實際金額,展望今年,內地內需係咪可以持續改善?

    資深經濟師林樵基表示,內需係可以睇到經濟有冇改善,如果消費品零售額唔能夠持續上升,就會影響整體經濟。中央之前已經推出咗唔少救經濟嘅政策,但零售銷售總額係咪可以進一步升到4.8%,甚至去到5%,要睇整體經濟狀況。佢又話,中央嘅「組合拳」政策出台加上整體經濟狀況改善,相信整體消費升幅有望擴大,繼而持續推高經濟增長。

    至於「以舊換新」會唔會谷一浸就無以為繼,林樵基指,睇返內地經濟情況,依家最需要係令市場旺返,吸引公司再投資,到時就業就會增加,有收入就會消費,首先,希望今年內需循環得更快,其次係中央刺激經濟措施可以加碼,從而令經濟持續改善。

    林樵基
    資深經濟學家