【專家分析】中芯好難追上台積電因為...

【Now財經台】內地一直鼓勵「國產自強」，但發展潛力似乎冇咁想像中咁大，以內地晶片製造商中芯國際(00981)為例，對比為英偉達(Nvidia)提供芯片嘅台積電，中芯市值未及台積電10%，兩者差距有咩啟示？

亨達財富管理董事總經理姚浩然指，主要係晶片嘅良率差異問題，而良率係同毛利率成正比，參考返2024年第4季表現，台積電毛利率介乎58%至60%，中芯僅20%，毛利率低係因為產品檔次較低，以及良率唔理想。事實上，中芯跟台積電生產嘅晶片良率差好遠，台積電有3納米製程良率，中芯就有7納米良率。不過，由於兩家公司良率及毛利率相差太遠，其實都好難直接比較。

Patrick又話，技術升級係另1個因素，台積電可以由2納米再進一步，但中芯就未必可以，因此，佢建議炒中芯嘅投資者最好先定止蝕位。