【期匯決算】Yen跌到呢個位日央行或出手

【Now財經台】日圓今日(7日)早段一度跌至2024年7月以嚟低位，日股收市就勁彈逾700點，不過，日圓喺歐洲交易時段轉升，日本財務大臣加藤勝信警告，將會採取適當行動防止匯率過分波動，市場係咪擔心日本央行會出手干預匯市？

連連STAR FX總經理陳欣指，日央行喺2024年曾兩度出手，分別喺日圓跌至160及162水平時，佢相信，未來當日圓見160及162水平，日央行好大機會出手，估計呢個水平係日央行嘅底線。

Chase又話，日圓喺美日息差繼持擴闊，以及日央行貨幣政策存在不確定性下，包括加息時間及幅度未明，日圓短期將持續偏弱，一旦日央行出手，日圓有機會反彈，但反彈力度有限，即使可以止跌，但未必可以由跌轉升，短線阻力睇155水平。