【期匯決算】金價新一輪跌浪殺埋身？

【Now財經台】今日(2日)係商品期貨2025年首個交易日，之前出爐嘅美國聯儲局「點陣圖」，預示2025年減息次數少過預期，金價喺2024年12月明顯缺少上升動力，依家金價喺每盎司2630美元徘徊，如果再冇力向上突破，守唔守得住2600美元呢關？

獨立外匯商品分析師盧楚仁指，現階段會比較睇淡金價，上到2600美元水平只係借地緣政局炒作，其實冇任何實質支持，若金價2025年開始走強，再加上債息升，相信金價過咗呢輪反彈浪見頂後，就會展開新一輪跌勢。

佢又話，一旦展開新一輪跌勢，或要跌到2580美元先搵到支持，但呢個位仍有機會失守，若再跌深啲，就要落到2500美元才有支持。