【FINTERVIEW】拆解內地PMI數據分化原因(上)

【Now財經台】內地今朝(31日)出咗12月官方製造業採購經理指數(PMI)，表現略差過預期，但非製造業商務活動表現就好過預期，應該點解讀呢啲數據？製造業及非製造業表現分化情況係咪會持續？

臻享顧問董事總經理王良享相信，製造業同非製造業分化嘅情況只係受周期性因素影響，由於製造業喺10月及11月已經趕工一段時間，所以12月就開始放緩，雖然數據低過預期，但情況唔算嚴重。非製造業方面，主要受樓市政策影響，其中，建築業嘅商業指數升3.5%，表現較為突出。至於服務業亦出現適度反彈，都乎合明年嘅經濟主軸，而市場亦關注內地居民願唔願意攞儲蓄出嚟買樓、消費等。