【專家分析】標指明年見7100點預測難實現？

【Now財經台】美股3大指數昨晚(30日)跌約1%，《彭博》指出，有19家大行及研究機構嘅分析師，都冇預期美股明年會跌，其中，標指最牛睇7100點，較昨日收市有20%上升空間，市場似乎認為美股明年將會延續今年嘅樂觀情緒，到底係市場太樂觀，還是都係一個合理預測？

高富金融投資總監梁偉民指，標普明年要見7000點以上，即係要升約20%，估值及盈利增長都要配合，呢個係比較誇張及期望較高嘅預測。佢補充，由於過去兩年市場已price in咗對盈利增長較樂觀嘅睇法，但到依家仍未滿足到市場嘅樂觀預期，因此，標指明年要大升，企業盈利就要大幅增加，或市場嘅樂觀情緒進一步升溫。不過，佢認為人工智能(AI)相關嘅熱度明年會降溫，因為呢類企業過去兩年嘅盈利表現唔係好對辦。

Wyman又話，美股明年嘅憧憬及驚喜主要來自放寬監管，但具體放寬程度、咩行業會受惠等，都要等美國總統當選人特朗普(Donald Trump)上任後先明朗化。