【專家分析】Tesla、Apple股價升過龍？

【Now財經台】美股過去一段時間一直靠重磅股撐，包括「科技7雄」(Magnificent 7)嘅Tesla及蘋果公司(Apple.Inc)，後者更連續4個交易日破頂，依家最牛目標價睇325美元，但有分析指，美股表現同市寬唔配合，係咪市場低估咗人工智能(AI)推動嘅升級周期？資金會唔會繼續捧「7雄」？

高富金融集團投資總監梁偉民指，美股市寬一直唔太理想，市場經常側重某啲板塊，但整體嚟講，美股應可以繼續向上，至少意味投資市場唔覺得市寬係好大問題。

Wyman續指，自特朗普(Donald Trump)勝選後，喺競選期間出錢出力撐佢嘅「頭號浸粉」馬斯克，旗下公司成為大贏家，帶挈股價累升逾50%，但佢認為已經升過龍，主要係集團無人駕駛的士短期未必可以推出市場，加上應該會有競爭對手。

Apple方面，已有嘅AI應用唔算多亦唔算吸引，較難掀起換機潮，值得留意係，隨著大價股估值愈推愈高，如果一啲憧憬唔可以落實，股價就會回調，又指靠憧憬推高股價係唔實在。