【期匯決算】人仔短線偏強但非轉勢

【Now財經台】中央政治局昨日(9日)開會，相隔14年再重提「適度寬鬆」貨幣政策，加上外貿表現麻麻，同埋中國10年期國債孳息率再創新低，理論上人仔應該會貶值，但點解離岸人仔今日(10日)一度轉強逾200點子？

連連STAR FX總經理陳欣指，其實跟得貼嘅投資者，早已察覺到中央想行返寬鬆貨幣政策，只係欠一個正式公布，所以某程度上已消化咗呢個因素。

Chase續指，內地依家首要任務係谷內需，政治局會議亦強調要重點刺激內需，相信相關政策會繼續出台，若呢啲政策有效，人仔有機會反彈，但短期而言，人仔會偏強，但唔會明顯轉勢，除非經濟數據明顯好轉，估計短線睇7.3，阻力位擺7.2。