【專家分析】巨子生物要keep住醫美產品龍頭位要睇...

【Now財經台】發展科技美學嘅巨子生物(02367)上半年收入按年增長68%至20.7億元，相信今年銷售按年增長40%至45%應該可以達標，不過，呢類醫美產品喺內地競爭好大，除咗本土不斷有新競爭者加入，外國相關品牌亦唔少，巨子生物喺醫美方面嘅領導地位可唔可以維持到？

王道資本及家族資產管理執行董事黃敏碩表示，巨子生物毛利率都幾高，未來增長方面，只要法規唔係收得太緊，佢應該keep到領導地位。

Michael又話，巨子生物主要產品「可復美」及「可麗金」，依家貢獻集團利潤逾90%，雖然產品集中度高，但呢兩個品牌喺市場有一定嘅定位，相信集中度高暫時對佢哋嚟講仍然係利多於弊。