【名家給力場】若恒指中經會前見2字頭唔好再追

【Now財經台】港股今日(6日)突然好興奮，半日成交已超過800億元，一度上返19900點樓上，市傳中央經濟工作會議下周三(11日)及下周四(12日)召開，市場係咪又開始炒政策憧憬？2024年只剩返10幾個交易日，恒生指數有冇機會嚟個「最後衝刺」上返20000點？

冠域商業及經濟研究中心主任關焯照認為，恒指上返20000點結束2024年機會唔大，反而有可能喺中經會前見返2字頭，有機會上返50天線水平，即20300點水平，但睇返「往績」，開完中經會之後，大市就會插水，曾經試過會後兩個星期累跌逾3000點，佢估計，今次都會出現呢個情境，會前炒政策憧憬，會後就急散水。

關博士提醒，一旦恒指真係上返20000點水平唔好再追，因為之後有機會返落19000至19300點。