【期匯決算】金價可上望2800美元

【Now財經台】外圍科技股、比特幣(Bitcoin)強勢，金價回軟，市場避險情緒降溫，投資者繼續觀望美國明晚(6日)出爐嘅11月就業數據，除經齊數據外，黃金ETF持倉較2020年高位少25%，同金價破頂嘅情況背馳，係咪預示金價就快回落？

獨立商品外匯分析師熊俊傑指，金價破頂後出現回調好合理，雖然黃金ETF持倉減少同金價破頂嘅背馳情況已持續一段長時間，但只係基於市場情緒及，以及因為用美元計價而出現調整。

佢又話，整體而言，金價喺現水平宜睇得更審慎，因為有唔同因素支持金價繼續向上，包括環球央行啟動減息周期，雖然減息步伐放慢，但息口向下仍然係大方向，若金價唔跌穿每盎司2580美元，可上望2800美元。