【專家分析】內地高息公用股有個「死穴」

【Now財經台】摩根大通今日(4日)出報告，比較A股及港股嘅公用股，該行指出，由於內地公用股息率較高，加上預期內地息口明年持續低企，所以較睇好內地公用股明年第1季表現。若人民銀行持續減息，高息公用股係咪可以睇高一線？

元宇證券基金投資總監林嘉麒指，股票息率回報及內地基準利率只要夠闊，就會有資金關注，尤其內地息口正處於歷史偏低水平，對比擺錢喺銀行，大部分投資者都傾向投資公用股，尤其內地公用股回報較高。不過，依家投資市場多咗唔同選擇，例如境外投資，所以內地公用股未必係唯一嘅「資金避難所」。

KK又提醒，要留意內地公用股負債比率一般較高，限制咗機構投資者嘅關注度，雖然估值較貴，但勝在息率較吸引。