【期匯決算】金價短線睇2605美元

【Now財經台】金價今日(3日)喺每盎司2645美元徘徊，未來要留意美國周五(6日)出爐嘅非農新增職位，因為有機會影響美國聯儲局今個月嘅議息會議決定，強美元對金價有咩影響？金價後市又會點走？

獨立外匯商品分析師盧楚仁指，美國加關稅會利好美元，令美元維持強勢，但金價就好難向上。雖然最新有聯儲局官員暗示今個月會議可能會宣布減息，但最終減唔減始終要睇周五嘅非農就業數據，同埋下周三(11日)公布嘅消費物價指數(CPI)，如果兩個數據都理想，佢估計，聯儲局今個月未必會減息。

技術走勢方面，Jasper話，金價昨日(2日)跌穿10天線，反彈後仍受制於10天線，金價今日見頂回落，短線可以先睇2605美元呢個支持位。