【專家分析】Bitcoin殺上10萬美元要睇...

【Now財經台】美國證交會(SEC)今年為比特幣(Bitcoin)現貨交易所買賣基金(ETF)後，刺激Bitcoin價格3月一度升至74000美元，之後持續喺60000至70000美元整固，特朗普(Donald Trump)贏咗美國總統選戰後，市場估計，美國對加密貨幣嘅監管會「鬆手」，Bitcoin價格更大幅跑贏股市，年底有冇機會見10萬美元？

高富金融集團投資總監梁偉民指，暫時好難講會唔會上到10萬美元，但特朗普贏咗大選都預咗Bitcoin價格會繼續升，因為特朗普喺選舉期間講明會撐加密貨幣發展，雖然唔知佢正式上任後會否會兌現承諾，但市場都會借勢炒作，所以見到有資金大量湧入。

Wyman提醒，加密貨幣難玩之處在於衡量唔到客觀價值，價格炒上主要係供應有限，當市場需求增加，價格就會飆升，但Bitcoin需求冇路捉，而價格升跌又好影響需求，睇返2021年至2022年，Bitcoin價格喺冇壞消息傳出之下，都可以大冧70%至80%，由於投機味道重，必須小心較大嘅下跌風險。