【專家分析】百威行高端化啱定錯？

【Now財經台】啤酒龍頭之一嘅百威亞太(01876)旗下有唔少高端及超高端品牌，包括Hoegaarden、Stella及Corona等，均面對青島啤酒(00168)及華潤啤酒(00291)嘅激烈競爭，但集團仍對亞太區啤酒高端化趨勢充滿信心，未來會繼續投資集團品牌，內地市場方面，管理層話，最大問題係消費者信心低迷，百威走高端市場路線係咪正確？

耀才證券研究部總監植耀輝指，百威嘅品牌定位一向都係高端化，係一個既有模式，所以好難突然降級，依家百威面對嘅最大挑戰係同業競爭，同埋內地啤酒市場規模縮減，令百威嘅市佔率被攤薄，呢兩項挑戰會令集團未來發展有較多不確定性。

Stanley又話，內地近年開始出現支持更多本土品牌嘅情況，令百威要穩定銷售更困難，但青啤嘅銷售比較好，反映百威缺乏競爭力。