【名家給力場】美選戰或令資金湧日圓避險

【Now財經台】日本政治環境唔明朗，加上外圍政局不穩，對日本央行長遠政策係咪帶嚟好大變數？美國總統大選下星期就會舉行，喺呢個時候日圓可唔可以發揮避險功能？

臻享顧問董事總經理王良享指，日圓可以發揮避險功能，日本係一個經常帳盈餘高，以及海外資產較多嘅國家，一旦出現風險事件，資金隨時會湧向日圓。

Tommy又話，下星期嘅美國大選有機會令市場出現較大震盪，如果日央行持續加息，一啲長年期債券，例如30年期債券孳息率見2厘以上，會影響長線基金嘅資產配置，增加日本債券比重，減少外國債券比重，尤其美國債券，長遠而言，日圓會有升值壓力。