【名家給力場】外資2025年勢增中資股配置(上)

【Now財經台】港股近期坐過山車，恒生指數急升完又急挫，早前由17000點衝上23000點，之後又回調，恒指昨日(17日)一度插穿20000關，期間，有唔少外資留意返內地及香港市場，臨近年尾，外資開始部署明年資產配置，會唔會增加返中資股配置？

勝利瑞柏基金管理合伙人暨投資總監陳建良認為，外資肯定會提高配置中國股票嘅比例，因為從唔同跟資產配置有關嘅會議中得知，唔少全球大型資金對中資股嘅配置係市非常低，對沖基金更沽空股票，經歷今輪急升急跌後，估計資金唔敢再沽空港股及中資股，因為隨時有政策推出再刺激港股向上，因此，沽空A股及港股嘅力度暫時偏細。

KL又話，資金重新流入A股及港股後，大部分都持觀望態度(wait and see)，但由於本身對A股及港股嘅配置少，令資金傾向增持而非減持，加上美國總統大選臨近，加上中央喺財政政策方面，未來會落實更多措施，相信外資2025年配置中資股嘅比例將會上升，帶動A股及港股造好。