【期匯決算】油價或跌至65美元才有支持

【Now財經台】中東局勢發展持續影響油價表現，據《華盛頓郵報》報道，以色列唔會攻擊伊朗嘅能源及核設施，重申報復行動只限於軍事目標，令市場對於石油供應憂慮紓緩，加上，石油輸出國組織(OPEC)已連續3個月下調今、明兩年需求預測，喺供需因素夾擊下，拖累油價3連跌，係咪代表地緣局勢帶動嘅反彈已完結？

獨立外匯商品分析師盧楚仁指，受地緣政局帶動，油價由每桶65美元彈上78美元，由於局勢降溫，以色列亦講明唔會炸伊朗煉油廠作報復，變相冇咗利好因素支撐油價，令油價焦點重返基本面。

Jasper續指，由於OPEC睇淡環球經濟前景，令油價持續向下，又認為油價今輪回調有機會落返低位，估計油價有機會跌至65美元才有支持。