【槓桿致勝】國壽博反彈宜揀短身CALL

【Now財經台】雖然中國人壽(02628)首9個月原保險保費收入按年增長約5%，但股價近日受制於10天線，今朝(15日)走勢反覆，現價係咪買入嘅好時機？想買CALL輪博反彈，行使價應該點揀？

元宇證券基金投資總監林嘉麒指，依家國壽引伸波幅較大，建議等引伸波幅進一步回落，同埋留意有冇機會喺16.5元低位博反彈，但唔建議博價內，反而價外嘅波幅較好。

KK又建議，國壽暫時可以上望17元水平，唔好定太長線嘅目標價，短炒會比較好，建議年期揀3個月或以上，避免因股價橫行導致嘅引伸波幅及時間值損耗。