【FINTERVIEW】A股明日復市有機爆贏港股

【Now財經台】恒生指數今早(7日)一度衝破23000點，高見23241點，但喺高位遇阻，其後落返23000點樓下。A股明日(8日)長假後復市，不論內地當局及全球投資者都嚴陣以待，國新辦將於明早舉行發布會，介紹落實一籃子增量政策，喺中央傾力救市下，港股有冇機會更上層樓？

富邦銀行(香港)投資策略及研究部主管潘國光指，若財政政策符合及滿足市場預期，A股休市1周後，明日復市追落後，有機會比港股衝得更高。

港股方面，財政政策出台後，恒指有機會再衝高500點至600點，或回落1000點至2000點，所以呢段時間唔係太值博，佢建議投資者可以等技術指標唔再超賣，市場情緒冇咁亢奮，再分批買入會比較合適。