【專家分析】製造業疲弱對美經濟影響微

【Now財經台】美國昨晚(23日)出爐嘅9月製造業採購經理指數(PMI)差過預期，初值為47，低過市場預期嘅48.6，亦差過前值47.9，其實唔止美國製造業疲弱，德法英最新製造業數據都差過預期，製造業疲弱係咪一個全球性問題？

高富金融集團投資總監梁偉民認為，美國製造業收縮情況已維持一段較長時間，其他國家都有呢個情況，所以係一個全球性問題。佢又話，疫後全球製造業都陷入收縮，主因係除咗美國，全球經濟都較為疲弱，消費者開支由購買消費品轉移至服務業如旅遊，購物支出減少令相關製造業出口受一定程度影響，繼而影響製造業出口數據。

不過，Wyman認為，製造業疲弱對於美國影響較小，因為製造業喺美國經濟佔比唔大，因此，若美國服務業能持續擴張，市場唔需要太擔心。不過，其他國家嘅情況會較嚴重，例如歐元區、德國及英國，因為製造業喺當地經濟嘅佔比較大。