【名家給力場】聯儲局12月或再大手減息因為...

【Now財經台】美國正式步入減息周期，聯儲局出乎市場預期大手減息0.5厘，但主席鮑威爾(Jerome Powell)話，唔應該視今次減息0.5厘為「新步伐」(new pace)，又話會視乎情況加快、放慢，甚至暫停減息，會後聲明亦提及，就業及通脹情況會係利率走向嘅重要指標，聯儲局今年仲有兩次議息會議，如果繼續減息，幅度會係幾多？

臻享顧問董事總經理王良享認為，美國今次大手減息0.5厘，會令市場覺得聯儲局亦認為美國經濟有衰退風險，所以11月會議再減息0.5厘嘅機會好細，不過，現時美國新增職位仍有約10萬個，所以唔排除12月再大手減息0.5厘。

Tommy又指，美國就業情況短期都好難改善，因為依家臨近年尾，企業再請人已經係明年初嘅事，所以嚟緊呢3個月有機會見到較差嘅就業數據。