【名家給力場】恒指見呢個位買貨 博Q4彈上18000點

【Now財經台】美國聯儲局將於本港時間下周四(19日)凌晨公布議息結果，依家市場對減息幅睇返有分歧，但睇返最新利率期貨，減0.25厘嘅機會約70%，減0.5厘就約30%，似乎大手減息嘅機會仍較細。港股投資者喺議息會議前後應該點部署？

冠域商業及經濟研究中心主任關焯照指，現時美國通脹仍略高於預期，所以減息0.25厘息嘅機會較大，但唔排除今年會合共減息1厘。

關博士又話，若港股喺議息前造好，指數股就可以食糊，不過，若今次議息後，聯儲局繼續減息，意味將繼續美國金髪女孩經濟(Goldilocks Economy)，估計美股會繼續升，但港股仍可能受內地市況拖累，但政策憧憬會對第4季市況有幫助，要留意議息後美股嘅反應，預期美股展開新一輪升勢前，或會先行回套，而港股投資者可以考慮喺恒生指數見17200點水平時買入，博第4季彈上至18000點。