【專家分析】Nvidia面臨「拆骨」危機？

【Now財經台】美國AI晶片股王英偉達(Nvidia)受集團涉及嘅反壟斷調查升級影響，股價繼日前收市挫近10%後，昨晚(4日)再跌1.7%，但Nvidia指未收到傳票，公司連日反應都反映Nvidia想妥善解決事件，不過，股價仍要受壓，係咪市場對今次反壟斷調查仍有憂慮？

高富金融集團投資總監梁偉民指，市場對反壟斷有一定憂慮，因為擔心會影響Nvidia發展，甚至好似其他科技巨企可能被「拆骨」。不過，唔少大型科企已習以為常，微軟(Microsoft)、Alphabet、Meta、蘋果公司(Apple Inc.)等都曾經涉及呢類問題，但市場情緒未見受好大影響。

Wyman又估計，Nvidia股價短期仍會受壓，原因係大行憂慮大型科企投資人工智能(AI)嘅速度會減慢，雖然呢啲科企已經投入咗好多資金，但至今仍未成功變現，令市場質疑未來仲有冇能力再作巨額投資，導致呢類股份出現調整。