【名家給力場】AI熱潮快過？(下)

【Now財經台】整個人工智能(AI)行業都睇住英偉達(Nvidia)份業績，雖然交到貨，但市場對Nvidia及AI行業嘅期望愈嚟愈高，AI行業開始達唔到市場嘅高期望，對美股後市有咩影響？AI仲係唔係熱炒嘅主題？

勝利瑞柏基金管理合伙人暨投資總監陳建良指，相信納斯達克100指數今年已經見頂，道指及標指近期都喺頂部徘徊，市場會形容為「板塊輪動」，美國聯儲局喺通脹未完全受控之際開始減息，資金會轉投小型及價值型股份，2000年科網股爆破時都出現過「板塊輪動」，當時資金流出科技股，投資者要留意全球資金流出增長股或AI股，轉投估值較平兼高息嘅股份。