【期匯決算】炒白銀睇實呢個價位

【Now財經台】國際金價繼續破頂，至於其他貴金屬，尤其白銀價格亦跟到升勢，隔晚衝上1個月高位，再度逼近每盎司30美元關口，若成功衝破30美元，將突破下降通道，後市仲有冇上升空間？

獨立外匯商品分析師盧楚仁指，對白銀後市有保留，雖然屬於貴金屬，但白銀跟銅、鋁一樣有工業用途，因此，白銀價格可唔可以再升，好視乎環球經濟情況，美元轉弱的確可以推高白銀價格，但單靠美元及金價破頂撐起白銀價格有一定困難，佢估計，白銀價格短期將會出現調整，投資者可以留意28美元水平，若未來美元轉強，白銀後市或要睇得更淡。