【專家分析】小心內銀股放榜後調整

【Now財經台】內銀股業績期下周殺到，市場憧憬內銀會派中期息，甚至有分析指，內銀股可能是仍未放榜嘅股份中，較值博嘅板塊。不過，有大行睇淡內銀股，其中，高盛最新一口氣削7隻內銀H股目標價。

華盛證券財富管理部董事李偉傑指，內銀股板塊基本上同內地經濟、港股市況A股市況背馳，持續向上，以估值平及高股息率吸引投資者，以維持升勢，但佢提醒，內銀去年普遍面對息差收窄壓力，而內銀股係「中特估」概念股之中，唯一未有出現調整，但今次派中期成績表就可能輪到佢。

Jason又話，雖然貸款市場報價利率(LPR)維持不變，令息差冇咁大壓力，但睇返股價，部分內銀股已經破頂，或升上多年高位，所以唔排除業績後趁高獲利，但佢估計，股價唔會跌得好深，整體而言，內銀股有調整壓力，但下跌空間唔大。