【期匯決算】金價升唔穿2413美元隨時掉頭
【分析】 2024/08/08 18:06
![](/CMS_images/NewsImageBig/FIN-BNC-FX-240808-1500.jpg)
【Now財經台】金價連跌5日後略為回穩,但反彈乏力,現貨金價仍未上返每盎司2400美元水平,美國減息預期及經濟衰退風險升溫,理應為金價帶來支持,但金價似乎受日圓拆倉潮影響。美國今晚(8日)會出就業數據,加上地緣政局因素,可唔可以帶動金價反彈?
獨立外匯商品分析師盧楚仁指,雖然金價今日有少少反彈,但彈力唔夠,反映市場對金市信心不足,即使避險情緒升溫,但金價仍炒唔起。此外,基本金屬包括銅、鋁,受環球經濟及股市拖累,工業用基本金屬價格大跌,直接拖低埋金價。
佢又話,伊朗可能只係象徵式還擊,未必會令地緣政治升溫,之前炒地緣政治推高金價嘅投資者會逐步出貨。
投資部署方面,Jasper表示,就算今晚就業數據利好金價,但上到2413美元水平會有阻力,如果升唔穿呢個位,或跌至2364美元,甚至保歷加通道,即2357美元水平。
![]() | 盧楚仁 獨立外匯商品分析師 |