【FINTERVIEW】資金翻兜美晶片股有兩大前提

【Now財經台】美國經濟數據疲弱，加上日本央行突然加息，以及部分企業季度成績表及業務指引都唔好，尤其係晶片製造商英特爾(Intel)，市場就借勢沽科技股，加上之前科技股已累積好大升幅，大調整係咪已殺到？

金馬資本管理交易策略師蘇沛豐指，爆發日圓拆倉潮前，其實美國科技股已出現個別發展嘅情況，即使部分企業業務指引仍然正面，但仍受其他科技股拖累，不過，佢認為未有扭轉科技股短線繼續向上嘅趨勢，但投資者未來揀股時可能要更小心。

佢又話，科技股反彈會有先後次序，之前首當其衝嘅晶片股，當大市喘定後，而日圓拆倉潮又結束，資金才會重新流入人工智能(AI)相關股。